Академиялық ұтқырлық

Академиялық ұтқырлық

Қазіргі таңда тарих факультетіндегі білім алушылардың академиялық ұтқырлығы Білім және ғылым министрлігі қабылдаған стратегиялық жоспарлау бағдарламалары арқылы қамтамасыз етіледі.

Сонымен қатар, ЖОО тарапынан шетелдік университеттермен (Ұлыбритания, Испания, Германия, Чехия, АҚШ, Канада, Ресей және т.б.) жасалған меморандумдар негізінде бірлескен білім беру бағдарламалары жүзеге  асырылып отыр.

Адами құндылықтар мен академиялық ұтқырлықты дамытуда дарынды жас қазақстандықтарға әлемнің үздік университеттерінде білім алуға мүмкіндік беретін Қазақстан Республикасы Президентінің «Болашақ» бағдарламасы айтарлықтай үлес қосып келеді.

Академиялық ұтқырлық бағдарламасына сәйкес 5В090200-Туризм мамандығының 3-курс студенттері А.Утегулова, Ж.Кенжалина, С.Умбетов 2014 жылы Балтық халықаралық академиясында білім алды( Рига, Латвия).

2016-2017 оқу жылының бірінші семестрінде 5В090200 – «Туризм» мамандығы бойынша Л.Н.Гумилев атындағы ЕҰУ-нің 2-курс студенті Достияров Әділет Серікұлы академиялық ұтқырлық бағдарламасы бойынша тарих факультетінде білім алды.

2017 жылдың қаңтар-маусым айлары аралығында 5В090200–«Туризм» мамандығының 3-курс студенттері А.Мұхтарова, Э.Жолдыбаева академиялық ұтқырлық бағдарламасы бойынша семестр бойы Польша Республикасының Быдгощ қаласының экономикалық университетінде білім алып келді.

2017-2018 оқу жылының І-жартыжылдығына 5В011400-Тарих мамандығының 2-курс студенті Асылбек Аяжан және 5В011600-География мамандығының 3-курс студенті Жұлдызбаев Нұрғали М.Өтемісов атындағы Батыс Қазақстан мемлекеттік университетінде, 5В011600-География мамандығының 2-курс студенттері Пернекул Әсем, Болатбек Назерке, Қыдырбай Айнұр, Дәрменқұлова Айжан Абай атындағы Мемлекеттік педагогикалық университетінде, 5В020300-Тарих мамандығының 2-курс студенттері халықаралық академиялық ұтқырлық бағдарламасы бойынша Ресей Федерациясының Жаңабергенова Адина, Шерниязова Дана Орынбор педагогикалық университетінде білім алуды жоспарлап отыр.

Факультет республикалық және шетелдік ғылыми мекемелермен шығармашылық байланыстары орнатылған. «Тарих» мамандығы студенттеріне шетелдік ғалымдар дәріс оқиды. Атап айтқанда, 2013-2014 оқу жылында Жапониялық ғалым К.Мацузато, Гонконгтық ғалым Н.Пиончолли, 2014-2015 оқу жылында Санкт-Петербург Мемлекеттік университетінің профессоры (РФ) А.И.Кубышкин, 2016 жылы қарашада М.В.Ломоносов атындағы ММУ-нің доценті А.И.Даньшин, 2017 жылдың ІІ семестрінде А.С.Пушкин ат. Ленинград мемлекеттік университетінің кафедра меңгерушісі, т.ғ.д., профессор В.А.Веременко  студенттерге дәрістер оқыды.

Осылайша факультетте сапалы білім алуға ұмтылған студенттер саны өсіп келеді. Академиялық ұтқырлық жеке даму мен еңбекке орналасу мүмкіндігі үшін маңызды және олжан-жақтылыққа, сыйластыққа тәрбиелейді, өзге мәдениеттерді игеруге мүмкіндік береді. Ол лингвистикалық плюрализм мен мамандардың болашақтағы бәсекелестік қабілетін көтеруге ынталандырады.

 

5В090200-Туризм мамандығының 3 курс студенттері Балтық халықаралық академиясында (Латвия республикасы)

Тарих факультетіне академиялық ұтқырлық бағдарламасы аясында Шығыс Индияна университетінің профессоры(Indiana University East) Кристоффер Рис (Dr. Kristoffer M. Rees) келіп факультет оқытушыларымен кездесті.

2017 жылдың 17 қарашасында Қ. Жұбанов атындағы АӨМУ тарих факультетінде Кристоффер Рис «Жаһандану» пәні бойынша презентация өткізді.

Тарих факультетінің география кафедрасына академиялық ұтқырлық бағдарламасы аясында, М.В.Ломоносов атындағы Мәскеу мемлекеттік университетінің рекреациялық география және туризм кафедрасының доценті, география ғылымдарының кандидаты Н.В.Шабалина келіп дәріс оқыды.

Алғаш рет «Мәулана» академиялық алмасу бағдарламасы бойынша түрік елінің жоғары оқу орнына  лекция оқу үшін «Отан тарихы және тарихи пәндер» кафедрасының доценті, тарих ғылымдарының кандидаты Жібек Бегімбаева қазір Түркияның Биледжик Шейх Эдибали университетінде студенттерге екіапталық дәріс оқыды.

2018-2019 оқу жылында Тарих факультетінің 2-3 курс студенттері академиялық ұтқырлық  бағдарламысымен Кастамону университетіне (Түркия Республикасы) семестрлік оқуға кірісіп кетті.

  • Акказиева А. – «Тарих» мамандығы, 3 курс студенті
  • Сүлейменов А. – «Тарих» мамандығы, 3 курс студенті
  • Болотова А. – «Туризм» мамандығы, 2 курс студенті
  • Жоламан Д. – «Туризм» мамандығы, 2 курс студенті
  • Маркабаева А. – «Туризм» мамандығы, 3 курс студенті

Сондай-ақ, «Қос диплом» бағдарламасы аясында, «Тарих» мамандығының 1 курс магистранттары – Б. Қанапин, Р. Картмағамбетова Кастамону университетінде білім алуда.

Қ. Жұбанов атындағы Ақтөбе өңірлік мемлекеттік университеті мен Өзбекстан Республикасы Ғылым Академиясының тарих институты арасындағы білім саласындағы ынтымақтастық туралы меморандумы аясында білім беру қызметіне шетелдік мамандарды тарту мақсатында 2019 жылдың 28 қарашасы мен 28 желтоқсаны аралығына Тарих факультетіне шақырылған Өзбекстан Республикасы Ғылым Академиясы жанындағы Өзбекстанның қазіргі заман тарихы мәселелері бойынша үйлестіруші-әдістемелік орталықтың бөлім меңгерушісі, тарих ғылымдарының кандидаты, доцент Аминов Бабир Бомурадович “5В020300-Тарих” және “5В011400-Тарих” мамандығының студенттеріне Орталық Азия ның тарихнамасы мен деректемесі мәселелері бойынша дәріс оқуда.

17.09.2020 күні Университеттің Халқаралық байланыстар орталығы және факультет пен кафедра бойынша Академиялық ұтқырлық бағдарламасына жауапты оқытушылардың ұйымдастырумен Техникалық факультеті 1 курс студенттері үшін онлайн кездесу ұйымдастырылды. Кездесуге академиялық ұтқырлыққа құмарлық танысқан 1 курс студенттері қатысты. Кездесуді Техникалық факультеті бойынша жауапты оқытушы Г.М. Жексенбаева ашып, Ұлттық және Халықаралық академиялық ұтқырлық бағдарламасы туралы жалпы айтып өтті. Студенттер қатарынан қойылған барлық сұрақтарға Академиялық ұтқырлық бағдарламасының әдіскері Қуанышова Гүлбану Ідірісқызы толықтық жауап беріп өтті. Студенттерді толғандырған бірқатар сұрақтар мыңдай болды: Академиялық ұтқырлыққа қатысу үшін қажетті тілдік деңгей; Мамандықтарына сәйкес Серіктес ЖОО; Ұлттық академиялық ұтқырлық бағдарламасына қажетті орташа баға; Тілдік құрстарға жазылу және мерзімдері т. б. Кездесу соңында студенттер Академиялық ұтқырлық бағдарламасының әдіскері Г.І. Қуанышоваға алғысын білдірді.

Тарих факультеті студенттерінің қатысуымен 13 желтоқсан күні “Тарих және дінтану” кафедрасының ұйымдастыруымен “16 желтоқсан – Тәуелсіздік күніне” орай “Қазақ хандығы тарихы және қазіргі тарихи деректер көздері” атты семинар өткізілді. Семинарға Х. Досмұхамедов атындағы Атырау мемлекеттік университетінің профессоры, т.ғ.д. Ахметова Ұ.Т., Өзбекстан Республикасы Ғылым Академиясы жанындағы Өзбекстанның қазіргі заман тарихы мәселелері бойынша үйлестіруші-әдістемелік орталықтың бөлім меңгерушісі, т.ғ.к., доцент Аминов Б.Б., Қ. Жұбанов атындағы Ақтөбе өңірлік мемлекеттік университетінің ғылым және инновациялар жөніндегі проректоры, т.ғ.д., профессор Бекназаров Р.А., “Тарих және дінтану” кафедрасының меңгерушісі, т.ғ.д., профессор Избасарова Г.Б., т.ғ.д., профессор Жумағамбетов Т.С. қатысты. Семинарда Ұ.Т. Ахметова Қазақ хандығы тарихына қатысты архивтерде орналасқан дереккөздерді, бұл тақырыпты зерттеудің методологиялық мәселелері және Қазақ хандығы тарихының аз зерттелген тұсы – хандық астанасы болған Сарайшық қаласының зерттелуі туралы пікірлер білдірді. Одан әрі ғалым Ұ. Ахметова семинарға қатысушыларды Қазақстан республикасының мейрамымен құттықтады. Дөңгелек үстел еркін форматта өтті. Студенттерге тарих ғылымына қатысты құнды деректер мен бағыт-бағдарлар көрсетілді. Қазақстанның кемел болашағы туралы сөз болып, болашақ тарихшылардың қолында болашақтың кілті тұрғандығы айтылды.

22 ақпан 02 наурыз аралығында Тарих факультетінің 2-курс магистранттары Санкт-Петербург қаласында болып, А.С.Пушкин атындағы Ленинград мемлекеттік университетінен академиялық ұтқырлық бағдарламасы шеңберінде шетелдік іс-тәжірибеден өтіп, білімдерін шыңдап қайтты. 10 күндік білім сапары барысында магистранттарымыз екі жақты келісілген жоспарға сай арнайы дәрістерге қатысып, Ленинград университетінің жоғары білім беру жүйесінде қолданып отырған іс-тәжірибесі мен жоғары білім берудегі Ресейлік өзіндік әдіс-тәсілдерімен танысып, тәжірибе жинақтады. Іс-тәжірибенің теориялық бағытынан бөлек практикалық бағыты да жоспарланды. Сол жоспарға сай магистранттарымыз Санкт-Петербург қаласының тарихи орындарын аралап және де Санкт-Петербург қаласында орналасқан “Орталық мемлекеттік мұрағат” пен “Ресейдің ұлттық кітапханасында” ғылыми диссертациялық жұмыстары бойынша зерттеу жұмыстарында жүргізді. Іс-тәжірибе соныңда магистранттарымыз Ленинград Университетінің арнайы сертификаттары мен марапатталды. Білім мен ғылымның қаламын ұштап, білім жолында жаңа белестерді бағындырып келген 2-курс магистранттарына алдағы уақытта да ғылым жолында аянбай еңбек етіп, Тәуелсіз еліміздің тарих ғылымын дамытуда ісденістен шаршамаңыздар деген тілек білдіргіміз келеді.

Тарих факультеті 5В020300- Тарих білім бағдарламаларының оқу жоспарына сәйкес 4 курс студенттері 2021 жылдың 25 қаңтар мен 2 сәуір аралығында өндірістік тәжірибеден өтуде.