Факультеттің жетістігі

Факультеттің жетістігі

Факультет жанында тарихи-өлкетану мұражайы жұмыс жасайды. Факультет студенттерінің Батыс Қазақстан аумағындағы археологиялық қазба жұмыстарының нәтижесінде табылған тұрмыстық заттар мен факультеттің ашылғаннан бергі жетістіктері көрсетілген құжаттар мұражай жәдігерлері ретінде қойылған.

2015 жылы факультетте шаруашылық келісім-шарт негізінде жұмыс атқаратын археологиялық-этнографиялық ғылыми зертхана ашылды. Зертхана директоры тарих ғылымдарының кандидаты, археолог А.А.Бисембаев.

Профессор-оқытушылар құрамы. Тарих факультетінде білікті профессорлық-оқытушылар құрамы жұмыс жасайды, оның ішінде  ғылым докторы – 6, ғылым кандидаты- 27, магистр – 14. Оқытушылар арасында ҚР-ның білім беру ісінің үздіктері, «Құрмет» орденінің иегерлері бар.

Факультет оқытушылары Қазақстан Республикасы Білім және ғылым Министрлігі ұйымдастырған төмендегідей конкурстардың жеңімпаздары:

  • «Жоғары оқу орнының үздік оқытушысы – 2006» (т.ғ.к., доцент Б.С. Әбенова);
  • «Жоғары оқу орнының үздік оқытушысы – 2007» (т.ғ.к., доцент Г.И.Көбенова);
  • «Жоғары оқу орнының үздік оқытушысы – 2008» (т.ғ.д., профессор Г.С.Сұлтанғалиева);
  • «Жоғары оқу орнының үздік оқытушысы – 2008» (т.ғ.д., профессор Т.С.Жұмағанбетов);
  • «Талантты жас ғалым» (мемлекеттік ғылыми стипендия, т.ғ.к., доцент Г.И.Көбенова);
  • «ҚР-сы ЖОО-ның үздік оқытушысы-2012» (т.ғ.к., доцент Г.Б.Избасарова).

СҒЗЖ ғылыми жетекшілерінің нұсқауымен «English Club», ИПК «Qobylandy», «Тарихи өлкетану», «Тарихи таным», «Географиялық топонимдер» ғылыми үйірмелері өз жұмыстарын атқаруда. Олар түрлі ғылыми-зерттеушілік сипаттағы жұмыстарды талқылаумен айналысуда. Үйірме жұмыстарының нәтижесінде студенттердің үздік ғылыми жұмыстары студенттік ғылыми жұмыстардың конкурстарына ұсынылып, жүлделі орындар алуда. Факультетте жыл сайын республикалық, халықаралық ғылыми конференциялар ұйымдастырылып отырады. Оған университет студенттерімен қатар, басқа да шетелдік ЖОО-ның студенттері қатысады.

Факультет студенттері мен магистранттары жыл сайынғы дәстүрлі ғылыми апталықтар мен республикалық пәндік олимпиадаларға тұрақты түрде қатысып отырады. Факультет студенттері мамандықтар бойынша өткізілген ғылыми жоба және олимпиадаларда соңғы 3 жылда тұрақты түрде алдыңғы үздік үштіктер қатарында көрінуде. Атап айтсақ, 5В011400-Тарих мамандығының студенттері 2014-2015 оқу жылында өз мамандығы бойынша 1-орын, 5В020300 – «Тарих» мамандығының студенттері 2016 жылы 3-орын иеленсе, «География» мамандығының командалары 2011 жылы жалпы командалық І-орын, 2012 жылы-ІІІ орын, 2013 жылы – ІІ орын, 2014 жылы – ІІІ орын, 2015 жылы – І орындарға көтеріле алды. 2016 жылы Қ.Жұбанов ат. АӨМУ –нің «География» командасы республикалық олимпиаданың ұйымдастырушысы ретінде сайысқа конкурстан тыс қатысты.

2017-2018 оқу жылында тарих факультетінің 87 студенті Қазақстан Республикасының мемлекеттік білім беру гранты негізінде білім алуда. Соңғы үш жылда факультеттің 15 студенті үздік оқуы және қоғамдық жұмыстардағы белсенділігі үшін Президент стипендиясының, 58 студенті Ақтөбе облысы әкімінің стипендиясының, 100-ден астам студент Қ.Жұбанов ат. Ақтөбе өңірлік мемлекеттік университеті ректорының оқу ақысына арналған жеңілдіктердің иегерлері атанды.

Тарих факультеті XVIII-XXғғ. Өлке тарихында өзіндік із қалдырған саяси қызметкерлердің қызметіне, аймақтағы қоғамдық- саяси құбылыстарға арналған аймақ- аралық, республикалық, халақаралық ғылыми теориялық конференциялардың ұйымдастырушысы болады. 2018 жылы «Хан қорық» халықаралық Жастар фестивалі өткізіліп, Ресей, Өзбекстан және Қазақстанның 17 ЖОО-нан командалар келіп, жалпы саны 130 адам қатысты. Фестиваль барысында Қобда, Ойыл және Алға ауданының табиғи, тарихи-мәдени мұраларын аралады.

Факультетте оқу процесі жақсы материалдық- техникалық базамен қамтамасыз етілген: 3 компьютерлік класс, 1 мобилді компьютер классы. Барлығы 38 оқу аудиторияларының 23-і мамандандырылған арнайы кабинеттер болып табылады. Оқу аудиторияларының 70%-ы интерактивті тақтамен жабдықталған.

Факультеттің профессорлық- оқытушылық- құрамы жоғары білікті мамандар, ғылыми дәрежелігі 58,7%- ды құрайды,оның ішінде 2 ҚР білім беру ісінің құрметті қызметкері, 2 Қаз. ССР Халық ағарту ісінің озық қызметкері, 1ҚР ғылымын дамытуға сіңірген еңбегі үшін, 1 ҚР білім берудің үздігі белгілерінің иегерлері, 1 «Қазақстан тәуелсіздігіне 20 жыл», «ҚР мәслихаттарына 20 жыл», «Ерең еңбегі» үшін мерекелік медальдардың иегері, 1 «Құрмет ордені» және 6 ҚР ЖОО- ның үздік оқытушысы бар.

Факультет мамандықтары жыл сайын Ұлттық рейтинг нәтижелері бойынша тұрақты түрде жоғары көрсеткіштерге ие болып келеді. Мысалы, Білім беру сапасын қамтамасыз ету бойынша Қазақстандық тәуеслсіз агенттік (БСҚБТҚ- НКАОКО) тарапынан білім бағыты бойынша еліміздің барлық ЖОО арасында өткізілген «Ұлттық рейтинг-2014» қортындысы бойынша 5В011500-Құқық және экономика негіздері мамандығы 1- орын, ал «Ұлттық рейтинг- 2015» қортындысы бойынша 6М020300- Тарих 3-орын, 5В011400- Тарих 3-орын, 5В011600-География2- орын, 5В020300-Тарих 3- орынды иеленді.

Халықаралық ынтымақтастық бойынша факультет шетелдің ЖОО- дарымен тығыз байланыста жұмыс жасайды. Факультетте академиялық ұтқырлық мәселесі жақсы жолға қойылған. 2011 жылдан бастап төмендегідей шетел ғалымдары Тарих мамандығы студенттеріне дәрістер оқыды. Венгрияның Будапешт университетінің ғалымдары А.Биро және М.Добрович (2011ж), Жапониялық Хоккайдо университетінің ғалымы К. Мацузато (2013ж), Гонконгтың Линьян университетінің ғалымы Н. Пиончилли (2013ж), Ресейдің Санкт- Петербург мемлекеттік университетінің ғалымы А.Кубышкин (2015ж), Ресейдің М.Ломоносов атындағы Мәскеу мемлекеттік университетінің профессоры Н.А.Даньшин (2016ж), М.Ломоносов Мәскеу мемлекеттік университетінің доценті Шабалина Н.В. (2017ж), АҚШ- тың «Индиана Восток» университетінің РһD, халықаралық координатор, саясаттанушы Кристофер Рис (2017ж), Германияның SES эксперті Герд Риттхалер (2018 ж.).

Фаультеттің 3 оқытушысы- ғалымы «Болашақ» бағдарламасы бойынша Ресейдің Москва қаласындағы Ломоносов атындағы Москва мемлекеттік университетінде тәлімгерлік тәжірибеде болды. А.М.Еспенбетова мен Н.С. Аликулова Жапонияның Цукуба қаласындағы Цукуба университетінде, Н.Н.Мерхайдарова Великобританияның Ньюкасл қаласындағы Ньюкасл университетінде, 2017 жылы т.ғ.к.., доцент Г.Ы.Купенова Португалияның Порто университетінде тәлімгерлік тәжірибеден өтті. ҚР Президентінің «Болашақ»  халықаралық  бағдарламасының стипендианты, доцент Гүлбану Болатқызы Избасарованы, Ресей Федерациясының М.В.Ломоносов атындағы ММУ-нің диссертациялық Кеңесінде 07.00.00-«Отан тарихы» мамандығы бойынша,  «Қазақ даласы Орынбор ведомство реформасының  объектісі ретінде: Ресей империясының басқару тәжірибесі шеңберінде (1731ж. — ХІХ ғ. ортасы)» тақырыбында  сәтті қорғалған диссертациялық жұмысының нәтижесінде  «тарих ғылымдарының докторы» ғылыми дәрежесін алды.

Сыртқы академиялық ұтқырлық бойынша 5В090200- «Туризм» мамандығының 3 курс студенті Латвия қаласындағы Балтық халықаралық академиясында, 5В050500- Аймақтану мамандығының 1 студенті АҚШ- тың Теннеси технологиялық университетінде, 5В050500- Аймақтану мамандығының 2 курс студенті Болгария қаласындағы Әулие Климент Орхидский атындағы София университетінде оқып келді. 2016-2017 оқу жылында Польша еліндегі Бодгощ қаласындағы экономикалық университетте «Туризм» мамандығының 3 курс студенттері А.Мұхтарова, Э.Жолдыбаева, 2017 жылдың І семестірінде Д.Абдоллаева ҚХР- дағы Шыңжан экономика және статистика университетінде білім алып қайтты. Ішкі академиялық ұтқырлық бағдарламасы бойынша 2017-2018 оқу жылында Халықаралық академиялық ұтқырлық бағдарламасы бойынша «Туризм» мамандығының 2 курс студенттері А.Альбекова, А.Жалгасова Польшаның Быдгощ қаласындағы Экономика университетінде білім алса, 2018-2019 жылдың 2-ші жарты жылдығында 5В090200-Туризм мамандығының 2 және 3 курс студенттері Д.Жоламан, А.Болатова, А.Маркабаева Түркияның Кастамону қаласында білім алуда. 5В020300-Тарих мамандығының 2 курс студенті А.Сүлейменов Түркияның Кастамону университетінде академиялық ұтқырлықпен 1 семестр оқып қайтты.

Факультет студенттері республикалық пәндік олимпиялардың тұрақты жеңімпаздары болып табылады.

  • 2013- 2014 оқу жылы География мамандығы 3- орын;
  • 2014- 2015 оқу жылы Тарих, География мамандықтары 1- орын;
  • 2015-2016 оқу жылы тарих мамандығы 3- орын;
  • 2016-2017 оқу жылы География мамандығы 2- орын, 5В011400- Тарих мамандығы 3- орын иеленді.
  • 2017-2018 оқу жылы 5В0111400- Тарих мамандығы 2- орын иеленді
  • 2018-2019 оқу жылы 5В0111400- Тарих мамандығы 3- орын иеленді.

Факультет оқытушылары Қазақстан Республикасы Білім және Ғылым министрлігінің «ЖОО үздік оқытушы» атағының иегерлері


т.ғ.к., доцент Әбенова Бибігүл Сейілқызы ҚР Б ж ҒМ «ЖОО үздік оқытушысы – 2006» атағының иегері

т.ғ.к., доцент Көбенова Гүлзат Ізбасарқызы ҚР Б ж ҒМ «ЖОО үздік оқытушысы – 2007» атағының иегері.

т.ғ.д., профессор Сұлтанғалиева Гүлмира Сәлімжанқызы ҚР Б ж ҒМ «ЖОО үздік оқытушысы – 2008» атағының иегері.

т.ғ.д., профессор Жұмағанбетов Талғат Смағұлұлы ҚР Б ж ҒМ «ЖОО үздік оқытушысы – 2008» атағының иегері.

т.ғ.к., доцент Ізбасарова Гүлбану Болатқызы ҚР Б ж ҒМ «ЖОО үздік оқытушысы – 2012» атағының иегері.

2016-2017 оқу жылы

2017-2018 оқу жылы

Тарих факультетінің оқытушылары  Теолог ғалымдарымен кездесу өткізді.

Тарих факультеті  « ХХ-ХХІ ғғ. революциялар және реформалар жағдайындағы Россия-КСРО-РФ» атты 1917 ж. Ресейде болған революцияның 100-жылдығына арналған халықаралық ғылыми онлайн  конференция өткізді.

Елбасы Н.Ә.Назарбаевтың «Болашаққа бағдар – Рухани жаңғыру» атты Мақаласын университет студенттеріне насихаттау мақсатында өткізілген дәстүрлі факультетаралық Ректор кубогін  арналған пікірсайыс турниріне қатысып танымдық ақпарттармен қаруланып зеректілік, дербестілік пен логикалық жүйелі сыншылдық  танытқан үшін Тарих факультетінің 1 курс студенттері жүлделі 1 орынды иеленді.

5В011400-Тарих мамандығының 4 курс студенті Атаниязов Нұрсұлтан ҚР жоғары оқу орындары студенттерінің арасындағы 5В011400-«Тарих» мамандығы бойынша ІХ Республикалық пәндік олимпиада жүлдегері және Президенттік стипендия иегері

5В011400-Тарих мамандығының 3 курс студенті Бимурзаева Айдана «Үздік студент» медалімен марапатталды және «Президенттік стипендия иегері.

Тарих факультетінің 3 курс студенті Қалмағамбет Дәулет Қазақстан Республикасының Парламенті Мәжілісі аппаратының «Экономикалық реформа және өңірлік даму комитетінде» біліктілігін арттыру мақсатындағы тағылымдамадан өтіп келді.

2018-2019 оқу жылы

Елбасының «Ұлы Даланың жеті қыры» бағдарламалық мақаласы аясында Жұбанов университетінің Тарих факультеті орналасқан ғимаратқа және конференц-залға Қазақ ССР ҒА корреспондент-мүшесі, ХVIII–ХХ ғғ. Қазақстан тарихын көрнекті зерттеуші, тарих ғылымдарының докторы, профессор Бекежан Сүлейменовтің есімі берілді. Сондай-ақ осы шара аясында  Ауғанстан жерінен Кеңес әскерлерінің шығарылуына 30 жыл толуына орай Ауған соғысы ардагерлері құрметіне арналған оқу кабинеті ашылды.

28-29наурызда Павлодар мемлекеттік университетінде  ХІ  Республикалық пәндік олимпиада өтті. 21 ЖОО-ны командалары 5 тур бойынша сайысқа түсті.  5В011400-Тариx мамандығының “Шамшырақ” командасы  жүлделі 3 орынды иеленді.

18-19 сәуір аралығында Қорқыт Ата атындағы Қызылорда мемлекеттік университетінде өткен 5В011600-“География” мамандығы бойынша Қазақстан Республикасы жоғары оқу орындары студенттері арасындағы XI Республикалық пән олимпиадасында “География” мамандығының 3-4 курс студенттері: Болатбек Назерке және Жайықбай Гүлдана командалық 3 орын иеленді. Жетекешісі г.ғ.к., доцент А.М.Сергеева.

ҚР БжҒМ Құрмет грамотасы иегері-Тарих ғылымдарының кандидаты, доцент Купенова Гүлмира Ыхласқызы

Ақтөбе қаласының 150 жылдығы, Алтын Орданың 750 жылдығы қарсаңында Елбасының “Ұлы даланың жеті қыры” мақаласы аясында өткен конференция

2019 жылы 25-27 сәуір аралығында Орынбор қаласында Ресей мен Қазақстанның жас тарихшыларына арналған халықаралық мектебі өтті.

ҚР Тұңғыш Президенті-Елбасымыз Н.Ә.Назарбаевтың «Рухани жаңғыру» бағдарламалық мақаласы мен «Жастар жылы» аясында студенттерге арналған ғылыми апталық.

2019 жыл 31мамыр саяси қуғын-сүргін және ашаршылық құрбандарын еске алу күні қарсаңында өңірлік университетте «КСРО-дағы саяси қуғын-сүргін: тарихы мен тағылымы» атты республикалық ғылыми-практикалық конференция

Ауған соғысы ардагерлерінің құрметіне арналған оқу кабинеті

Бекежан Сүлейменов атындағы конференц – зал

Акт залы

Бүгін, 13 қараша күні Тарих факультетінде университет түлектері, қазіргі таңда облыс әкімі аппаратының жетекшісі Қалауов Нұржауған Серікұлы және облыс әкімі аппарат жетекшісінің орынбасары Барбосынов Нұрбақыт Құсайынұлымен еркін тақырыпта кездесу өтті.  2-4 курс студенттері ашық әңгіме барысында ойларында жүрген барлық сұрақтарына толық жауап алды. Кездесу қонақтары өздерінің туған жерлері, студенттік шақтары туралы еске алды, студенттерге алдыға мақсат қойып, жетістіктерге жетуге мотивация берді, басқа да әлеуметтік-саяси тақырыптар туралы сөз қозғады.

16 қараша күні “Жұбанов керуені” аясында университеттің өкілдері Ырғыз ауданына келді. Жергілікті Мәдениет үйінде 9-11 сынып оқушыларымен кездесуін өткізді. Болашақ түлектер арасынан тарих факультетіне түскісі келетін оқушылар өз ниеттерін білдірді.

14 қараша күні “Жұбанов керуені” жобасы аясында университет өкілдері Хромтау ауданына жол тартты. Жергілікті #6 мектеп-гимназиясында 9-11 сынып оқушыларымен кездесу өтті. Бұл кездесу барысында болашақ түлектер Тарих факультетіне оқуға түсуге ниет білдірді. Сонымен қатар облыс бойынша археологиялық артефактілер мен бірегей олжалардың ауқымды көрмесі ұйымдастырылды. Оған қоса, тарих және дінтану, география және туризм кафедрасының оқытушылары ауданның мектеп мұғалімдеріне семинарлар өткізді. Тарих ғылымдарының докторы Г.Б.Исбасарова мұғалімдерді Қазақстан тарихын зерттеудің жаңа әдістемелік тәсілдерімен таныстырды.Тарих ғылымдарының кандидаты А.Т.Маден оқушылардың ғылыми жұмыстарына қойылатын талаптары туралы айтып берді.Семинар соңында қатысушылар сертификаттар мен марапатталды.№6 мектеп-гимназиясының кітапханасы,яғни университетінің филиалы оқытушылардың ғылыми еңбектерін алды.

2019 жылдың 27 карашасында Қ.Жұбанов атындағы АӨМУ-де ҚР Тұңғыш Президент күніне арналған «Тәуелсіздік және Елбасы тағылымы» атты дөңгелек үстел өткізілді. Іс-шараны ұйымдастырушылар – Тарих факультеті. Дөңгелек үстел жұмысына Тарих факультетінің деканы, т.ғ.д., доцент Купенова Г.Ы., «ҚХА және ӘСП» кафедрасының меңгерушісі Сарсембин Ү.К., ф.ғ.д. Амангелді Айталы, магистранттар, зерттеушілер, АӨМУ-нің жас ғалымдары мен студенттері қатысты. Іс-шара модераторы қызметін «Тарих және дінтану» кафедрасының меңгерушісі, т.ғ.д., доцент Избасарова Г. Б. атқарды. Дөңгелек үстелге қатысушылар пікірталас барысында тәуелсіз мемлекеттің қалыптасуы мен даму тарихының өзекті мәселелерін, ҚР Тұңғыш Президенті – Елбасы Нұрсұлтан Назарбаевтың қазақстандық мемлекеттілікті құрудағы, тәуелсіз Қазақстанның дамуындағы, қоғамның демократиялануы мен президенттік институттың нығаюындағы тарихи рөлін, халықты біріктіру үдерісіне, бейбітшілік пен келісімді нығайтуға, сол сияқты президенттің халыкка ұсынған жолдауларымен таныстырылды. Ф.ғ.д., профессор, академик, Амангелді Айталы баяндамасында: «Нұрсұлтан Назарбаев пен ресми және бейресми кездесулеріндегі сұхбатында айтылған тәуелсіз Қазақстанды құру барысындағы қиындыктары мен қызықты әңгімелерімен бөлісті. Сондай-ақ, іс-шарада “Тарих” мамандығының магистранттары: Насыров Р. Т., Шалманова А., Канапин Б. О. Қазақстан халқы Ассамблеясының құрылуы, “Мәдени мұра” мемлекеттік бағдарламасы және “Ұлы даланың жеті қыры” атты мақала туралы баяндама оқыды. Сонымен қатар, магистранттар Қазақстанның жарқырай көрінген, халықаралық аренада табыстарға жетуіне, барлық қазақстандықтарға лайықты жағдай жасауына көмектескен Н.Ә. Назарбаевтың көшбасшылық қасиеттеріне және атқарылған әлеуметтік жобаларға тоқталды. Қорытынды сөз, «ҚХА және ӘСП» кафедрасының меңгерушісі, ф.ғ.к., Сарсембин Ү.К Елбасының бағдарламаларында ұдайы кездесіп отыратын ұлттық сананы жоғалтпау маселелерін ортаға қойып Гегель, Кант сияқты философтардың адамгершілік мәселесін алға тартты. Дөңгелек үстелге қатысушылар егеменді Қазақстанның табыстарымен байланысты адам ретінде Нұрсұлтан Әбішұлы Назарбаев – барлық қызметі өз халқы мен Отанына қызмет етудің үлгісі болып табылатын әлемдік ауқымдағы көрнекті саясаткер деген тұжырымға келді.

29 қараша күні Студенттер сарайында университетіміздің “StudLife” атты жарқын студенттік жобасының 1 маусымының жабылуы өтті. Аталған жобаға барлық факультеттер қатысты, ал жабылу жоғары деңгейде өтті, үлкен концерт ұйымдастырылды. Мерекелік кеш соңында факультетаралық ұзақ жарыстың қорытындысы шығарылды. Тарих факультеті керемет музыкалық қойылым үшін 1 орын иеленді, сондай-ақ біздің белсенділер командасы “Интеллектуальный прорыв” және “Короли танцпола” номинацияларында жеңіске жетті. БІЗДІҢ СТУДЕНТТЕРДІ ШЫН ЖҮРЕКТЕН ҚҰТТЫҚТАЙМЫЗ! БҰЛ ТЕК БАСТАМАСЫ ҒАНА!

29 қараша – 1 желтоқсан күндері аралығында Орал қаласында өткен Қазақстан Республикасының Тұңғыш Президент күніне арналған VI Республикалық Пікірсайыс Турнирінде “Қобыланды” Интеллектуалды Пікірсайыс Клубы жүлделі 2 орынға ие болды! “Қобыланды” ИПК-ны кезекті жеңісімен құттықтаймыз!

Қазақстан Республикасы Білім және Ғылым министрлігі “Bilim orkenieti” ұлттық инновациялық ғылыми зерттеу орталығы ұйымдастырып отырған Президент Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауын жастар арасында кеңінен насихаттау мақсатында өткен «ХХІ ғасыр көшбасшысы-Үздік студент» атты Халықаралық үздік студенттер байқауына Тарих факультетінің студенттері Қапар Орынбек,Каналина Нұрсұлу,Қангерей Қанат,Орынбасаров Аслан қатысып «ХХІ ғасыр көшбасшысы» атты төсбелгілермен және І дәрежелі дипломмен марапатталды. Студенттердің жетістіктері Халықаралық «Жылдың үздік студенттері» атты байқаудың материалдар жинағына енгізілді. Үздік студенттерімізді құттықтаймыз!

2020 жылдың 4 қарашасында университетіміздің 85 жылдық мерейтойына арналған салтанатты шарада, университет ректоры, профессор Ердембеков Бауыржан Аманкелдіұлы студенттерге тәлім-тәрбие мен болашаққа бағдар беруде ерекше еңбек еткен ұстаздар мен құрылым басшыларын «Қ.Жұбанов», «Университетті дамытудағы еңбегі үшін», «Қ.Жұбанов атындағы Ақтөбе өңірлік мемлекеттік университетінің еңбек ардагері» медалдары және «Қ.Жұбанов атындағы Ақтөбе өңірлік университетіне 85 жыл» мерекелік медалімен марапаттады.
Академиялық мәселелер жөніндегі проректоры – Абенова Бибигуль Сейілқызына «Университетті дамытудағы еңбегі үшін» медалі, Ғылым және инновациялар жөніндегі проректоры – Бекназаров Рахым Ағыбайұлына «Қ.Жұбанов» медалін табыстады.
Тарих факультетінің деканы Купенова Гулмира Ыхласқызын, «Тарих және дінтану» кафедрасының меңгерушісі Избасарова Гулбану Болатқызын, «Оқу-әдістемелік жұмыс және қашықтықтан білім беру» департаментінің жетекшісі Кадиркулова Айнур Нураддинқызын «Университетті дамытудағы еңбегі үшін» медалімен марапаттап, шығармашылық табыстар тіледі.
Факультет тарапынан біз сыйлайтын, тұлғалы ұстаздарымызды еңбектерінің жемісімен құттықтап, дендеріне саулық, отбастарына амандық, бақ-береке тілейміз!

14 қазан күні Сағи Жиенбаев атындағы облыстық жасөспірімдер кітапханасының ұйымдастыруымен өткен “Менің жүрегімдегі кітап” атты республикалық шығармашылық байқауына Тарих факультетінің 4 курс студенті Шекернаев Мейрамбек өзінің шығармашылық қабілетін жоғары деңгейде көрсетіп бас жүлдені жеңіп алды.

«Қ.Жұбанов атындағы Ақтөбе өңірлік университетіне 85 жыл» мерекелік медалі, «Құдайберген Жұбанов» медалі, «Университетті дамытудағы еңбегі үшін» медалі, «Қ.Жұбанов атындағы Ақтөбе өңірлік мемелекеттік университетінің еңбек ардагері» медалімен марапатталды.
т.ғ.д. профессоры Исмагулов Ұ.Ш.
т.ғ.к. доцент Абенов Д.К.
т.ғ.к.доцент Давлетьярова Б.Х.
ф.ғ.докторы профессоры Каирова Б.Е.

2020 жылдың 10 қарашасында университетіміздің 85 жылдық мерейтойына арналған салтанатты шарада, университет ректоры, профессор Ердембеков Бауыржан Аманкелдіұлы студенттерге тәлім-тәрбие мен болашаққа бағдар беруде ерекше еңбек еткен «География және туризм» кафедрасының ардагер ұстазы Кажиакбарова Зоя Омарғазықызын «Қ.Жұбанов атындағы Ақтөбе өңірлік университетінің еңбек ардагері» медалі мен және «Қ.Жұбанов атындағы Ақтөбе өңірлік университетіне 85 жыл» мерекелік медалімен деканның оқу-ісі жөніндегі орынбасары- Конбай Ерке Конбайқызын, «Қазақстан халқы Ассамблеясы және әлеуметтік-саяси пәндер» кафедрасының меңгерушісі Сәрсембин Үмбетқан Қуандықұлын, «География және туризм кафедрасы» кафедрасының меңгерушісі Абденов Айдын Жақсанұлын марапаттап, шығармашылық табыстар тіледі.
Факультет тарапынан ұстаздарымызды еңбектерінің жемісімен құттықтап, дендеріне саулық, отбастарына амандық, бақ-береке тілейміз!

Тарих факультетінің деканы Гулмира Ыхыласқызы Купенова жаңа жыл қарсаңында «Білім өркениеті» ұлттық инновациялық ғылыми-зерттеу орталығының конкурсы негізінде көп жылғы еңбегі және білім беру жүйесін дамыту мен өскелең ұрпақты тәрбиелеуге қосқан үлесі мен жеткен жетістіктері үшін АЛҒЫС ХАТ және 2020 жылдың қорытындысы бойынша «ЖЫЛДЫҢ ҮЗДІК ДЕКАНЫ» атты төсбелгісімен марапатталды.
Гулмира Ыхласқызын марапатымен құттықтай отырып, деніңізге саулық, отбасыңызға амандық, еңбекте толағай табыстар тілейміз!

Бүгін Қ. ЖҰБАНОВ атындағы Ақтөбе өңірлік университеті 85 жылдық мерейтойын атап өтті. Университет тарихындағы айтулы шара аясында Тарих факультетінде «АРХИВ ҚҰЖАТТАРЫНДАҒЫ Қ. ЖҰБАНОВ АТЫНДАҒЫ АҚТӨБЕ ӨҢІРЛІК УНИВЕРСИТЕТІ» тақырыбында дөңгелек үстел өтті.

Салтанатты шараны факультет деканы т.ғ.к. доцент Гульмира Ыхласқызы Купенова ашып, ары қарай Тарих және дінтану кафедрасының меңгерушісі т.ғ.д., доцент Гүлбану Болатқызы Избасарованың модераторлығымен жалғасты. Шараға университеттің профессор-оқытушылық құрамы, архив қызметкерлері және түлектер қатысты.

Дөңгелек үстел барысында Гулмира Ыхласқызы оқу орнына 1983-1995 жылдары басшылық еткен ұлағатты ұстаз, профессор, тіл жанашыры Мұхтар Арынның жеке мұрағат қорының таныстырылымын өткізді.

Мұхтар Арынның өмірі, еңбек жолы мен қоғамдық қызметінен сыр шертетін құжаттарын жинастырып, бірнеше томнан тұратын мұрағаттық қорын қалыптастырып, тиянақтаған М. Арын музейінің 1998 – 2019 жылдар аралғында директоры болған Гүлшара Алибиевна Жаркилова шараға қатысушыларға қордың маңызды құжаттары туралы баяндап берді. Гүлмира Ыхласқызының жетекшілігімен М. Арынның жеке қор құжаттары негізінде арнайы магистрлік зерттеумен айналысып жүрген магистрант Айдана Бимурзаева да ғалым туралы деректер негізінде баяндап берді.

Одан кейін сөз алған Ақтөбе облыстық мемлекеттік архивінің құжаттарды пайдалану және жариялау бөлімінің басшысы Бақытгүл Жақсымұратқызы Ешмуратова «Университет тарихы архив құжаттарында» атты баяндамасын жасады.

«Тарих факультеті архив құжаттарында» атты баяндама жасаған т.ғ.к., доцент Дәулет Құсайынұлы Абенов облыстық архив материалдары негізінде әзірленген университет тарихы туралы күні кеше ғана тұсауы кесілген жаңа кітап туралы да айта кетіп, университет тарихын тереңірекке апарды.

Гүлбану Болатқызы да шара соңында қатысушыларды құттықтап, қорытындылады. Қатысушылар білімнің қара шаңырағы, еліміздің батысындағы іргелі оқу орындарының бірі – Қ.Жұбанов атындағы АӨУ-нің құжаттар беттеріндегі тарихы мен бүгінгі тынысы туралы мол ақпарат алғандарын айтып, университетті мерейтойымен құттықтады.

Қазақстандық салалық білім және ғылым қызметкерлері кәсіподағының Ақтөбе облыстық ұйымы ұстаздар күні және Қ.Жұбанов атындағы Ақтөбе өңірлік университетінің 85 жылдық мерейтойы қарсаңында іргелі оқу ордасында ұзақ жылдар қызмет жасап, білім саласын дамытудағы еңбектері және әртүрлі деңгейдегі жеткен жетістіктерге үшін Қ.Жұбанов ат. Ақтөбе өңірлік мемлекеттік университетінің оқытушы-қызметкерлерін алғыс хаттармен және 50 мың теңге көлемінде сыйақы сертификаттарымен марапаттады.

Олардың қатарында тарих факультетінен – тарих факультеті деканы, доцент Гүлмира Ықылысқызы Купенова, тарих ғылымдарының докторы Гүлбану Болатқызы Избасарова, тарих ғылымдарының кандидаты Нұрлыгүл Сапаққызы Аликулова, философия ғылымдарының кандидаты Дмитрий Анатольевич Мацюк, тарих магистрлері Айнур Жақыпқызы Қалыбаева, Айнур Сандібекқызы Шинтемирова, география магистрлері Гүлнұр Жасұланқызы Шумакова, Айжарқын Сұлтанбекқызы Нургазиналар болды.

Әріптестерімізді марапаттарымен құттықтап, дендеріне саулық, жанұяларына амандық және шығармашылық табыстар тілейміз!

Университетті «ЖОО-ның үздік оқытушысы-2020» байқауында таныстырған жеңімпаздардың бірі Бекназаров Рахым Агибаевич болды

Байқау жеңімпаздарына ғылыми-зерттеу жұмыстарын жүргізу және біліктілігін арттыру мақсатында әлемнің жетекші университеттерінде тағылымдамадан өту мүмкіндігі беріледі.

Биылғы байқауға Республиканың 73 жоғары оқу орнынан 623 үміткер қатысты. Оқытушылардың қызметі екі блоктан тұратын үміткерлердің жұмысын бағалаудың өзекті сапалық және сандық көрсеткіштері бойынша бағаланды: I блок-оқыту сапасы, II блок-ғылыми-зерттеу қызметі.

Биыл алғаш рет “ЖОО үздік оқытушысы-2020” байқауына қатысуға өтінімдерді беру, құжаттарды тексеру рәсімі, сондай-ақ апелляция ҚР БҒМ ақпараттық жүйесі арқылы онлайн-режимде өткізілді. Үміткерлердің алған балдары ақпараттық жүйеде жарияланды және конкурс үміткерлеріне нәтижелерімен онлайн-режимде танысуға мүмкіндік болды.

27 желтоқсанда Тарих факультетінде орын алған  маңызды оқиғалардың бірі білім мен ғылымның, тәрбие ісінің дамуына ерекше бағыт беретін төрт нысанның ашылуы. Олар: Археология,этнография ғылыми-зерттеу орталығы, Өлкетану орталығы, ІТ кабинет және «History Place» Коворкинг алаңы. Аталған нысандардың ашылуына университет басшылығы, факультет ұжымы, студенттер мен магистранттар және Ақтөбе облыстық тарихи-өлкетану музейінің  басшылары мен қызметкерлері қатысты.

Елбасының «Ұлы даланың жеті қыры» мақаласындағы бағыттарды жүзеге асыру үшін қазіргі таңда елімізде археологиялық және этнографиялық зерттеулердің маңызы мен мәні артуда. Осы тұрғыдан алғанда факультетте ашылған Археология, этнография орталығының атқаратын қызметі зор болмақ. Қазақстанның, оның ішінде батыс өңірдің ежелгі дәуірден Алтын Орда кезеңіне дейінгі археологиялық ескерткіштерін іздеу, зерттеу, ғылыми айналымға енгізу жұмыстары жүргізіледі. Әсіресе орталық Ақтөбе, Батыс Қазақстан облыстары аумағындағы ғұн-сармат кезеңінің ескерткіштерін зерттеуге басымдық береді. Елбасының «Болашаққа бағдар: рухани жаңғыру» мақаласында атап көрсеткендей ұлттық кодты сақтап ұрпақтан-ұрпаққа жалғастыруда салт-дәстүрлердің алатын орны зор. Осы мақсаттағы жұмыстар этнографиялық зерттеу орталығының басты жұмыс бағытына айналатыны сөзсіз.

Елбасы өзінің 2017 жылы 12 сәуірде жариялаған «Болашаққа бағдар: Рухани жаңғыру» атты бағдарламалық сипаттағы мақаласында «Туған жер» бағдарламасын қолға алуды ұсынды. Елбасы отансүйгіштік сезімнің кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталатынын айтқан болатын. Тәуелсіз еліміздің жастарын отансүйгіштікке тәрбиелеудің сан алуан жолдары бар. Солардың бірі-тарихи өлкетану жұмыстарын пайдалану арқылы тәрбиелеу. Осы мақсатта ашылған Өлкетану орталығы осы сұраныстарға жауап береді деп ойлаймыз.

Орталық өз өлкеміздің ежелгі дәуірден қазіргі күнге дейінгі тарихын, архитектуралық ескерткіштерін, әдебиетін, географиясын, топономикасын, өсімдіктер мен жануарлар дүниесін, және аймақтың атақты тұлғаларын зерттеумен, насихаттаумен айналысады. Орталық жұмысына университет оқытушыларымен бірге студенттер, магистранттар және докторанттар да тартылатын болады. «History Place» Коворкинг алаңы студенттердің түрлі интеллектуалдық іс-шараларын өткізуге, оның ішінде дөңгелек үстелдер, пікір-талас, байқаулар т.б. ұйымдастыруға арналған. Сондай-ақ студенттік ұйымдардың да шаралары осы жерде өткізіледі. Коворкинг алаңының ашылуы барысында факультетте өткен жылы ашылған «Жас келіндер мектебі» жобасының маңыздылығы, «Қобыланды» дебат клубының жұмыстары да насихатталды. Жоба қатысушылары жастар тәрбиесінің болашақ отбасы құрлымына тікелей әсер ететіндігін атап өтті.

ІТ кабинет университет оқытушыларының ғылыми-әдістемелік еңбектерінің электронды нұсқаларын жинақтауға, түрлі мультимедиялық және презентациялық жұмыстар қорын жасақтауға арналған.

Шара барысында университет басшылығы мен Ақтөбе облыстық тарихи-өлкетану музейі арасында өзара ынтымақтастық туралы меморандумға қол қойылды. Өзара ынтымақтастықтың басты мақсаты білім беру мен ғылыми-зерттеу жұмыстары саласында аталмыш орталықтарды пайдалана отырып, бірлесе жұмыс жасау.

Шара қорытындыланып, университет ректоры Б.А.Ердембеков аталған нысандарың одан арғы жұмысына өз ұсыныстарын білдіріп, сәттілік тіледі.

Бүгін, 15 қаңтарда, тарих факультетінің ғылыми-инновациялық жұмысының негізгі жетістіктері ұсынылған көрме ұйымдастырылды. Көрмеде негізінен келесі жетістіктер ұсынылды.

  1. Ақтөбе облысы бойынша 2019-2020 жылдары жүргізілген археологиялық зерттеулердің нәтижелері туралы мәліметтер келтіріледі. 2020 жылы шыққан ПОҚ монографиялары.
  2. студенттердің ғылыми-зерттеу жұмыстарының республикалық конкурсына География, 01 тарих, 02 Тарих білім беру бағдарламалары бойынша командалар қатысып, жүлделі орындарға ие болды.
  3. ҚР жоғары оқу орындары студенттері арасындағы ХІІ Республикалық пәндік олимпиадада 6в01506-География мамандығының 1 курс студенті Балғабеков Айдын жеке есепте 3-орынды иеленді (Шығыс Қазақстан мемлекеттік университеті). С. Аманжолова, 05.05.2020 ж., жетекшісі Сергеева а. м.).
  4. ҚР жоғары оқу орындары студенттерінің арасындағы XII Республикалық студенттік пәндік олимпиадаға 6В11101 – “Туризм” мамандығының командасы қатысты,” Туризм “мамандығы бойынша қашықтықтан олимпиадаға” цифрландыру және виртуалды туризм ” тақырыбында жоба қорғап, жүлделі 2 орынға ие болды (Өскемен қаласы, Шығыс Қазақстан мемлекеттік университеті). С. Аманжолова, жетекшілері: Әбденов А.Ж., Өмірзақова М. Ж.).

Қазақстан Республикасы Парламенті Мәжілісі және барлық деңгейдегі мәслихат депутаттарының сайлауында «Қазақстан Республикасындағы сайлау туралы» ҚР Конституциялық заңына сәйкес «Nur Otan» партиясының атынан сайлау учаскелерінде байқаушы ретінде қатысқан белсенді партия мүшелеріне Партия төрағасының бірінші орынбасары Бауыржан Байбектің Алғыс хаты табысталды. Марапат иелеренің қатарында Қ.Жұбанов атындағы Ақтөбе өңірлік университетінің т.ғ.к.,аға оқытушысы Ғанибаева Жайдарман Ануаровна Алғыс хатта: «Партияның бүгінгі күндегі жетістігі – Сіз сияқты жүздеген мың белсенді азаматтың қажырлы еңбегінің жемісі», – делінген. Университеттегі әріптестеріміз сайлауалды үгіт-насихат жұмыстарын да белсене қатысты. Жастарға білім мен тәрбие беруге саналы ғұмырын арнап келе жатқан құрметті әріптесімізге толағай табыс тілейміз.

Қ.Жұбанов атындағы Ақтөбе өңірлік университетінің 85 жылдың мерейтойына орай Тарих факультетінің студенттеріне «Жұбановқа жомарттық» жобасы аясында меценаттар тарапынан стипендиялар тағайындалды.

Меценат басшысы, еңбек ардагері Адманов Бақыткерей Әбдіманұлы атынан Бекежан Сүлейменов атындағы стипендия иегері 2 курс студенті Өтеғұлова Гүлдана Жанболатқызына 200000 теңге степендия, меценат жеке кәсіпкер Купенов Еркингали Ихласович 3 курс студенті Тлеумаганбетова Амангуль Бейбитқызына 100000 теңге степендия тағайындады.

Меценат иегерлеріне тарих факультетінің атынан алғыс білдіреміз!!!

Жаңа жыл мерекесі қарсаңында университет ректоры Тәуелсіз Қазақстанның рухани және әлеуметтік дамуы жолында білім беру жүйесін дамытуға және білім беру сапасын арттыруға қосқан үлесі үшін «Тарих және дінтану» кафедрасының меңгерушісі т.ғ.д, Ізбасарова Гүлбану Болатқызын Білім және Ғылым министрлігінің Құрмет грамотасымен» марапаттады. Факультет тарапынан Гүлбану Болатқызын еңбегінің жемісімен құттықтап, деніңе саулық, отбасына амандық, бақ-береке тілейміз!

Тарих факультетінің тағы бір студенті «Қазақстанның үздік студенті-2020» қатарына кірді. География мамандығының 3 курс студенті Сайком Бикетайды Президент Қасым-Жомарт Тоқаевтың «Сындарлы қоғамдық диалог-Қазақстанның тұрақтылығы мен өркендеуінің негізі» атты қазақстан халқына Жолдауын жастар арасында кеңінен насихаттау барысында «Қазақстанның үздік студенті-2020» атты халықаралық байқауының жеңімпазы болуымен құттықтаймыз! Алар асуларың көп болсын!

Тарих ғылымдарының докторы, қауымдастырылған профессор, “тарих және дінтану” кафедрасының меңгерушісі Ізбасарова Гүлбану Болатқызы өзінің ғылыми жобасын дамытуға ҚР БҒМ грантының иегері атанды.

“XVIII – XX ғғ. 30-жж. Ұлы Даланың тарихи тұлғалары (Батыс Қазақстан материалдарында)” Кеңестік Қазақстанның империялық және бастапқы кезеңі тарихындағы олқылықтың орнын толтырады, “Архив – 2025″бағдарламасын жүзеге асырудың бір бөлігі болып табылады. Зерттеу кеңестік кезеңдегі қазақ хандарының, сұлтандарының, батырларының, билерінің, қазақ зиялыларының саяси портреттерін қайта жасауға бағытталған.

Тарих факультетінің «Қазақстан халқы
Ассамблеясы және әлеуметтік-саяси
пәндер» кафедрасының оқытушысы Балжан Хамидуллақызы
қызметінде жоғары сападағы ғылыми зерттеулерімен ерекшеленіп, жас ғалымдарға өзінің 40 жылдық ұстаз ғалымдық еңбек өтілінде талай шәкіртін шыңдап, олардың
қабілеті мен қасиетінің дамуына септігін тигізді. Бұған дейін
«Ы.Алтынсарин» төсбелгісінің,
«Қ. Жұбанов атындағы Ақтөбе өңірлік мемлекеттік университетінің 40
жылдық мерейтойлық төсбелгісінің,
Қ. Жұбанов атындағы Ақтөбе өңірлік мемлекеттік университетінің 50
жылдық мерейтойлық төсбелгісінің, Қ. Жұбанов атындағы Ақтөбе өңірлік университетінің 85 жылдық мерейтойлық төсбелгісінің иегері
атанып үлгерді. Бүгін білім беру саласындағы ерекше еңбегі үшін ҚР
Білім және ғылым министрілігінің «ҚР
Білім беру ісінің құрметті қызметкері»
белгісімен марапатталып отыр

Университетішілік “Үздік әдіскер-оқытушы – 2021” байқауының шешуші екінші кезеңі 2-3 наурыз аралығында ұйымдастырылып, жеңімпаздар анықталды. Тарих факультетІнің мүддесін қорғап шыққан А.Л.Перевезенцев, Г.Ж.Сулейменова, А.Т.Маденге алғыс білдіреміз.

Байқау қорытындысы бойынша Тарих және дінтану кафедрасының доценті, т.ғ.к. А.Т.Маден Үздіктер қатарынан көрініп, жеңімпаз атанды, ІІІ орын иеленді.
Әріптесіміз Асылбек Төреханұлын жүлделі жеңісіңісімен құттықтай отырып, кәсіби шеберлігіңіз шыңдала берсін демекпіз.

Тарих ғылымына өзіндік қолтаңбасымен келіп,  ХVІІІ-ХІХ ғғ. Қазақстан тарихындағы ақтаңдақ беттерін зерттеуге үлес қосып,  шетелдік беделді журналдарда да мәселенің мәнін ашып, ел тарихын шетелдік ғалымдарға да мойындатып жүрген тарих ғылымдарының докторы,  доцент, кафедра меңгерушісі ИЗБАСАРОВА ГҮЛБАНУ БОЛАТОВНАға «Ғылыми атақ беру туралы» Қазақстан Республикасы Білім және ғылым министрлігі Білім және ғылым ғылым саласында сапаны қамтамасыз ету комитеті төрағасының 2021 жылғы 10 наурыздағы № 219  бұйрығымен
Профессор ғылыми атағы 07.00.00 – Тарих     мамандығы бойынша берілді.
Гүлбану Болатовнаны ұжым атынан осы марапатымен шын жүректен құттықтап, ғылымға қосар үлесі мен шәкірт дайындаудағы еңбектеріне шығармашылық табыстар тілейміз!